2002թ.-ից սկսած ՄԶՆ-ն Հայաստանի կառավարության հետ աշխատում է Միջնաժամկետ ծախսային ծրագրի (ՄԾԾ) մշակման շրջանակներում: Ծրագրի նպատակն է հզորացնել Ֆինանսների և Էկոնոմիկայի նախարարության պետական ծախսերի պլանավորման և կառավարման ռազմավարական կարողությունը: Ծրագիրը նպատակամղված է, հիմք ընդունելով քաղաքականության առաջնահերթությունն ու ծախսարդյունավետությունը, նաև Աշխատանքի և սոցիալական ապահովության նախարարության պետական ծախսերի պլանավորման կարողության բարելավմանը:

ՄԾԾ-ն, որն ավարտվում է 2005թ., հիմք է հանդիսանում մի նոր` Աջակցություն Հայաստանում ծրագրային բյուջետավորման բարեփոխումներ ծրագրի ստեղծմանը, որը ՄԶՆ-ն սկսելու է իրականացնել 2005թ. աշնանը: Վերջինս տևելու է 3 տարի, և դրա նպատակը Հայաստանի կառավարությանն օժանդակելն է: