Տարբեր կազմակերպություններ ու դեսպանատներ ներկայացնող 75 հոգուց բաղկացած խանդավառ խումբը հուլիսի 26-ի վաղ առավոտյան հավաքվեց 1.900 մետր ծովի մակարդակից բարձր գտնվող Սեւանա լճի ափին, որպեսզի սկսեն 2-րդ ամենամյա Սեւանի թրիաթլոնը:Նրանց թվում էր նաեւ փոխդեսպան իդեոն Դյուհըրսթը:
 
Մասնակիցները պետք է հաղթահարեին «սպրինտերային կուրսը»` 500 մետր լող, 26 կիլոմետր հեծանվավազք եւ 5 կիլոմետր վազք: Որոշ մասնակիցներ միայնակ անցան բոլոր փուլերը, որոշներն էլ թիմերով էին մասնակցում: Պ-ն Դյուհըրսթը հաղթահարեց ամբողջ կուրսը: Նրա կինը, Էմման, ֆինիշային գծին կագնած հետեւում էր ժամանակին:

Միջոցառման միջոցով հավաքված բարեգործական հանգանակությունները կազմեցին $15,000 USD: Պ-ն Դյուհըրսթը անձամբ կարողացավ հավաքել 478 ֆունտ ստեռլինգ հանգանակություն Տիրամայր մանկական ամառային ճամբարի համար: «Լողն ամենածանրն էր. ինձ այն թվում էր ամենահեշտը, քանի որ առաջինն էր: Ջուրն այս լեռնային լճում սառցե է առավոտյան 7:30, պարզապես շունչս կտրվում էր: Բայց վայրը չափազանց գեղեցիկ էր մրցման համար», - ասաց նա: «Ես անցա բոլոր փուլերը 2 ժամ 26 րեպեում. հույսով եմ, վատ չի սկսնակի համար: Նպատակը բարեգործությունն էր ու սեփական ուժերը ստուգելը: Երեւի մի անգամ էլ կմասնակցեմ թրիաթլոնի. բայց այս անգամ ավելի լավ ժամանակ ցույց կտամ»:

Անցյալ տարի առաջին Սեւանի թրիաթլոնի հանգանակությունները կազմեցին $10,000:

Անցած 15 տարիների ընթացքում ամեն ամառ մոտ 850 անապահով 8-14 տարեկան հայ մանուկներ ստանում են այդքան անհրաժեշտ հանգիստ, ֆիզիկական ու հոգեւոր սնունդ Ծաղկաձորի Տիրամայր մանկական ամառային ճամբարի ջերմ միջավայրում: Ճամբարի բազմազան օրակարգը օգնում է զարգացնել երեխաների գեղարվեստական եւ սպորտային կարողությունները, նպաստում նրանց հոգեւոր ու բարոյական զարգացումը, ծանոթացնում մշակութային ժառանգությանը ու հայրենի բնության հրաշքներին: Բացի այդ, ճամբարը երեխաներին տրամադրում է առողջ սնունդ, բժշկական, ատամնաբուժական եւ ակնաբուժական ծառայություններ: